Tegese, Cirine, lan Jinise Tembang Dolanan

Tegese Tembang Dolanan

Tembang dolanan duweni teges bedo bedo, kayata :

1. tembang dolanan tegese lagu sing ditembangake sinambi jejogedan.

2. tembang dolanan uga bisa ateges lelagon kanggo dolanan bocah bocah.

3. tembang dolanan yaiku lagu sing isi utawa cakepane jumbuh/cocok karo umure bocah cilik.

cirine tembang dolanan

sing dadi titikane utawa cirine tembang dolanan, yaiku

1. basane prasaja, yaiku kajumbuhane karo umure bocah.

2. cengkok utawa wilet lagu sederhana

3. cacahe gatra utawa larikan winates/sitik.

4. rasane lagu seneng.

5. isine lagu ngemot : patuladhan, budi pekerti, tata susila, panggulawentah.

Jinise tembang dolanan

tembang dolanan cacahe ana 2 werna, yaiku

1. tembang dolanan gagrag waras.

sing diarani tembang dolanan gagrag lawas, yaiku lagu dolanan sing isine cakepane kajumbuhan karo umur bocah, lan biasane kalagokake dening bocah bocah, terkadhang disambi karo njoged.

ing ngisor iki ana sawatara lagu dolanan gagrak lawas manut isine:

a. lagu sing isine kena kanggo dolanan bocah bocah, tuladhane:

lagu : jamuran

jamuran ya ge gethok jamur apa

ya ge gethok jamur gajih

brejijih sak ara ara

sira badhe jamur apa

lagu sing isi lagune kena kanggo syiar agama, tuladhane :

lagu : lir ilir

lir ilir lir ilir tandure wis sumilir

tak ijo royo royo tak sengguh temanten anyar

cah angon cah angon penekna blimbing kuwi

lunyu lunyu penekna kanggo masuh dadatira

dadatira dadatira kumitir bedhahing pinggir

domana jlumatana kanggo seba mengko sore

mumpung gedhe rembulane mumpung jembar kalangane

ya suraka surak hiyo

lagu sing isi lagune kena kanggo sindhiran :

lagu : jaranan

jaranan jaranan jarane jaran teji

sing nunggang dara bei sing ngiring para mantri

jrek jrek nong jrek jrek nong srek esrek turut lurung

bug krincing gedebug krincing prok prok gedhebug jedher

lagu sing isi lagune kena kanggo perjuangan :

ayo kanca ayo kanca ngayahi karyane praja

kene kene kene kene gugur gunung tandang gawe

sayuk sayuk rukun bebarengan nyambut gawe

lila lan legawa kanggo mulyane negara

siji loro telu papat maju papat papat

diulang ulangke mesthi enggal rampunge

holobis kuntul baris holobis kuntul baris holobis kuntul baris

holobis kuntul baris holobis kuntul baris holobis kuntul baris

2. tembang dolanan gagrag anyar

lagu dolanan gagrak anyar, yaiku lagu sing isine cakepane wis ora kajumbuhane maneh karo umure bocah lan lagu iki wiwit moncer jamane ki narto sabdha/sawise mardika.

contone : swara suling, lesung jumengglung, praon.